அரசு பள்ளிகளில் இந்தி மொழியின் அவசியம்!

நேற்று தரன் அவர்கள் தன்னுடைய பதிவில், "கலைஞர், அண்ணா தடுத்ததால் தான் இவர்களால் இந்தி படிக்கமுடியாமல் போய்விட்டதா? அவர்கள் இந்தி கட்டாயமாவதைத்தான் எதிர்த்தார்கள். இவர்களுக்கு இந்தி படிக்கவேண்டும் என்றால் தனியாக படித்துக்கொள்ளலாமே!" என்று தெரிவித்திருந்தார். அதை பலர் வரவேற்றும் இருந்தனர். ஆனால் இது இவர்களின் அறியாமையையே காட்டுகிறது.

இந்தியாவைத்தவிர மற்ற மாநிலங்களில், பள்ளிகளில் தாய்மொழியோடு ஒரு தேசிய மொழியும், சர்வதேச தொடர்பு மொழியாக ஆங்கிலமும், கற்றுக்கொடுக்கப்படுகிறது. மொழி என்பது ஒருவருக்கு ஒருவர் தொடர்புகொள்வதற்கே!. வேற்று மொழியில் உள்ள நல்ல விசயங்கள் நமக்கு தெரியவேண்டுமானால் அந்த மொழியை கற்றுக்கொள்வதில் எந்த தவறும் இல்லை. நல்ல தகவல்களை ( information sharing) பரிமாரிக்கொள்வதில் இது மிகவும் அவசியமாகிறது. நமது ஊரிலேயே தமிழ் மீடியத்தில் படிப்பவர்கள், வேற்று மொழியாக ஆங்கிலத்தை மட்டுமே கற்றுக்கொள்கின்றனர். ஆனால் பேசிப்பழகாததால் , தேவைப்படும் நேரத்தில் அவர்களால் அதை பயன்படுத்த முடியாமல் தவிக்கின்றனர்.

தரன் சொல்லுவது போல "பள்ளிகளில் இந்தி இல்லையென்றால் என்ன நீங்களே கற்றுக்கொள்ளுங்களேன்!" என்பது சொல்லுவதற்கு வேண்டுமானால் நன்றாக , நியாயமாக இருக்கலாம். ஆனால் எத்தனை பேருக்கு அந்த வாய்ப்பு கிடைக்கிறது.

தரன் தனது பதிவில் டைடல் பார்க்கையும் , பெங்களூரையும் உதாரணத்திற்கு எடுத்துக்கொண்டார். தொழில் என்பது தகவல் தொழிநுட்பம் மட்டும் அல்ல என்பது அவருக்கு தெரிந்திருக்க நியாமமில்லை.

இன்று அரபு நாடுகளுக்கு வேலைக்கு செல்லுபவர்களில் 70 சதவீததிற்கு மேற்பட்டவர்கள் கிராமத்தில் இருந்து செல்பவர்கள்தான். அவர்களில் பலர், பள்ளி இறுதி வகுப்புவரை கூடப்படிக்காதவர்கள், சிலர் ITI மற்றும் diploma படித்தவர்கள். அவர்கள் கிராமங்களில் படிக்கும் போது தமிழ்தவிர மற்ற மொழிகளை கற்றுக்கொள்வதற்கான வாய்ப்புகள் மிக மிகக் குறைவு. அப்படிப்பட்டவர்கள் அரபு நாடுகளுக்கு வேலைக்கு செல்லும் போது அந்த நாட்டவர்களுடன் சரிவர தொடர்பு கொள்ளமுடியாமல் ஒருவித தாழ்வு மனப்பான்மையுடன் இருப்பது மிகவும் வேதனைக்குறியது. அங்கு சென்று பார்க்கும் போது தான் மற்ற மொழிகளை கற்கவேண்டிய அவசியம் அவர்களுக்கு தெரிகிறது. திறமையிருந்தும் கூட அவர்களால் அதை வெளிக்காட்ட முடியாமல் கீழ்மட்ட அளவிலேயே பெரும்பகுதி நாட்களை கழிக்கவேண்டியதாயுள்ளது.

இந்தி, ஆங்கிலத்தை விட மிக எளிதான மொழிதான். பள்ளியில் படிக்கும் போதே அதை ஒரு மொழியாக கற்றிருந்தால் அது அவர்களுக்கு மிக பயனுள்ளதாக இருந்திருக்கும். கிராமத்தில் இருப்பவர்களுக்கும், நகரத்தில் உள்ள வசதியற்றவருக்கும் அரசு பள்ளிகளில் கிடைக்கும் இலவச கல்விதான் அவர்களின் வாழ்க்கையை உயர்த்துவது. அங்கு இது போன்ற வாய்ப்புகளை தடை செய்வது மிக ஒரு சமுதாய அழிவிற்கு அடிக்கல் நாட்டுவது போன்றதாகும். என்வே தான் அரசு பள்ளிகளில் இந்தி போன்ற ஒரு தேசிய மொழியை, ஒரு மொழியாக கற்றுக்கொள்ளவேண்டியது மிக அவசியமாகிறது.

தமிழகத்தில் படிக்கும் அணைவருக்கு இங்கேயே வேலை கிடைத்துவிடப்போவதில்லை. வேலை கிடைக்காத எல்லோருக்கும் வெளிநாட்டு வேலையும் கிடைத்துவிடப்போவதில்லை. இங்கு படிக்கும் சில் தொழில்கல்வி படிப்புகளுக்கு வெளி மாநிலங்களில் நல்ல வேலை வாய்ப்புகள் கிடைக்கின்றன. அங்கு வேலைக்கு செல்லும் பலர் அவர்களோடு சரிவர கலந்துரையாட முடியாமல் அவதிப்படுறார்கள். அவர்களின் வேதனை அனுபவித்தால் தான் தெரியும். தமிழகத்தில் இருந்து இந்திய அணிக்கு தேர்ந்தெடுக்கப்படும் வீரர்கள் கூட மற்ற வீரர்களுடன் சரிவரப்பழக முடியாமல், மந்தையில் இருந்து பிரிந்த ஆடுபோல இருக்கவேண்டியுள்ளது. இதை சில வீரர்களுடைய பேட்டியில் இருந்தே நீங்கள் அறிந்துகொள்ளலாம். மத்திய அரசுப்பணி நிமித்தமாக வெளி மாநிலங்களுக்கும் செல்லும் நம் மக்களின் நிலையும் இதுதான். மற்ற மாநிலங்களில் உள்ளவர்களுக்கு நம்மைப்போன்ற ஆங்கில் அறிவு இல்லையென்றாலும், தேசிய மொழி தெரிந்திருப்பதால், திறமையிருந்தும் நம்மவர்களால் அவர்களுடன் போட்டிபோட முடிவதில்லை.


பல வெளிநாடுகளில் வாழும் நாம் மக்கள் (இந்தியர்கள்) தங்களுக்குள்ளாக ஆங்கிலத்தில் பேசினால் அவர்களில் ஒருவர் நிச்சயமாக தமிழனாகத்தான் இருக்க முடியும் என்ற நிலை உள்ளது வெட்கக்கேடான விசயம்தான். இதெற்கெல்லாம் காரணம் தாய் மொழியாம் நம் அழகு தமிழை வளர்ப்பதாக கூறி, நம்மை ஆண்டவர்களின் மொழி வெறியும். அதைவைத்து அவர்கள் செய்த அரசியலும் தான்.

தமிழை வளர்க்க பல வழிகள் உள்ளன. ஆனால் இவர்களின் போராட்டம் தமிழை வளர்ப்பதை விட வேற்று மொழிகள் மீதான வெருப்பை வளர்ப்பதாகவே இருந்தன என்றால் அது மிகையாகாது. இவர்களின் போராட்டங்களால், வேற்றுமொழிகளின் மீதும், அந்த மொழி பேசுபவர்களின் மீதும் ஒருவித வெருப்பு ஏற்பட்டதே தவிர நம் தாய்மொழி ஒன்றும் பெரிதாக வளர்ந்துவிடவில்லை. இன்னும் தமிழ்நாட்டில் பல பள்ளிகளின் வாளாகங்களில் தமிழ் தடைசெய்யப்பட்ட மொழியாகத்தான் இருக்கிறது. நான் ஏற்கனவே என்னுடைய பதிவில் கூறியுள்ளது போல "உங்கள் வெற்றியானது மற்றவர்களின் தோல்வி மட்டும் அல்ல. ஓட்டப்பந்தயத்தில் சிறப்பாக ஓடி வெற்றிபெறவேண்டிமேயன்றி முன்னால் ஓடுபவர்களின் கால்களுக்கு இடையில் கம்பை விட்டு அவர்களை கீழெ விழச்செய்து நீங்கள் வெற்றிபெறக்கூடது. நம் அழகு தமிழை வளர்க்க வேண்டும் என்றால் அதற்கு விஞ்ஞானப்பூர்வமாக சிந்தித்து திட்டங்களை வகுத்து, அதன் அருமையை ஒவ்வொரு தமிழனும் உணரும்படி செயல்படவேண்டுமே தவிர மற்றவர்களை குறைகூறிக்கொண்டும் மற்ற மொழிகளை குறைகூறிக்கொண்டும் இருக்கக்கூடாது."