சர்வதேச இலவச அழைப்புகளுக்கு... இந்தியாவுக்கு 2.50 ரூபாய்

அன்பான தமிழ்மணம் வாசகர்களுக்கு,

நீங்கள் ஏற்கனவே voipstunt என்ற மென்பொருள் பற்றி கேள்விப்பட்டு இருக்கலாம். இதன் மூலம் அமெரிக்க, ஜ்ரோப்பா மற்றும் சில வளர்ந்த, வளர்ந்து கொண்டிருக்கிற (சீனா உட்பட) பல ஆசிய நாடுகளுக்கும் , இலவசமாக அவர்களின் தொலைபேசி மூலம் தொடர்பு கொள்ளலாம் (அமெரிக்கா மற்றும் சிங்கப்பூர் செல்போன் அழைப்புகள் இலவசம்).

இப்போது அதே நிறுவனத்தால் வெளியிடப்பட்டுள்ள voipcheap என்ற மென்பொருள் மூலமாக இந்தியாவை உலகில் எந்த மூலையில் இருந்தாலும் இந்திய நாணய மதிப்பில் நிமிடத்திற்கு சுமார் 2.50 ரூபாய்க்கு அழைக்கலாம்(செல்போன் உட்பட).

இதில் இலவசமாக சோதித்துப்பார்க்கும் வசதியும் உள்ளது. இதன் மூலம் நீங்கள் நீங்கள் கட்டணம் செலுத்தாமல் குறைந்தபட்சம் ஒரு நிமிடம் பேசலாம். பிறகு இணைப்பு துண்டிக்கப்படும். ஆனால் இந்த வசதியை நீங்கள் பலமுறை சோதித்துபார்க்கலாம். ஓவ்வொரு முறையும் உங்களால் ஒரு நிமிடத்திற்கு மேல் தொடர்ந்து பேச முடியாது.

நீங்கள் தொடர்ந்து பேசவேண்டுமானால் நீங்கள் குறைந்த பட்சமாக €10.00 கட்டணம் செலுத்து உங்கள் கணக்கை துவக்கலாம். இதன் மூலம் இலவச அழைப்புகளை தடங்கல் இல்லாமல் பல மணி நேரமும், கட்டண அழைப்புகளை தடங்கல் இல்லாமல் தொடர்ந்தும் பேச முடியும். இந்தியாவில் உள்ள உங்கள் உறவினர் வீட்டில் அகன்ற அலைவரிசை internet வசதி இருந்தால், அவர்களிடம் உங்களுடைய username and password -ஜ் கொடுத்து இந்த மென்பொருள் மூலமாக உங்களை தொடர்புகொள்ளச் செய்யலாம். நீங்கள் இலவச அழைப்புகள் வசதி வழங்கப்பட்டுள்ள நாடுகளில் இருந்தால், இது மிகவும் வசதி தானே.

வீட்டை விட்டு தொலை தூரம் இருக்கிறோம் என்ற எண்ணம் இதன் மூலம் நீங்க வாய்ப்புள்ளது. இந்த வசதியை voipstunt மூலமாக பல மாதங்கள் அனுபவித்துக் கொண்டிருக்கிறேன். நீங்களும் அனுபவிக்க வாழ்த்துக்கள்.