மக்கள் ஏமாறத் தயார் இல்லை! - கோவை வாசகர்

ஏமாறத் தயார் இல்லை!

ஆ.பட்டிலிங்கம், பேரூர், கோவையிலிருந்து எழுதுகிறார்:

"முடியாது என்பது தி.மு.க., அகராதியிலேயே கிடையாது' என கருணாநிதி கூறியிருக்கிறார். அப்படியானால், இதுவரை வெளியிட்ட தேர்தல் அறிக்கையில் கண்டுள்ள அனைத்தையும் நிறைவேற்றியுள்ளாரா?

கடந்த 1961ம் ஆண்டு கோவையில் நிடந்த சிறப்பு தி.மு.க., மாநாட்டில் நிறைவேற்றப்பட்ட தீர்மானங்களில், சிலவற்றை மட்டும் கீழே தருகிறேன்.

இன்றைக்கு 45 ஆண்டுகள் உருண்டோ டி விட்டன. இடைப்பட்ட காலங்களில், கருணாநிதி 15 ஆண்டுகள் முதல்வராக இருந்துள்ளார். அவர் அடிக்கடி ஒன்றை குறிப்பிடுவார்: "சொன்னதை செய்வோம்; செய்வதை சொல்வோம்' என்று.கடந்த 1961 முதல் 2006 வரை சொன்னதை செய்யவே இல்லை. டிச., 22, 1961ல், தி.மு.க., சார்பு வார ஏடாகிய, "அறப்போர்' (ஆசிரியர் அரங்கண்ணல்) என்ற இதழில், வெளிவந்த தேர்தல் அறிக்கை:

* கவர்னர் ஒழிப்பு: மக்கள் வரிப்பணத்தில் ஆண்டுதோறும் பல லட்ச ரூபாய் பாழாக்கி வரும் கவர்னர் பதவி தேவை இல்லை என தொடர்ந்து வலியுறுத்தி வந்திருப்பதுடன், அதன் காரணமாக, கவர்னர் சம்பந்தப்பட்ட சிறப்பு நகழ்ச்சிகளில் இருந்து, ஒதுங்கியே செயல்பட்டு வந்திருக்கிறது தி.மு.க., ஆனால், மாநிலம் மற்றும் மத்தியில் பல ஆண்டுகள் அமைச்சர் பதவி வகித்திருந்தும், இது சம்பந்தமாக எள்ளளவும் கவர்னர் ஒழிப்புக்கு, தி.மு.க., முயற்சி எடுக்கவில்லை.

* தமிழகத்தில் வசதியான ஏதேனும் ஒரு துறைமுகத்தை தேர்வு செய்து, அதை சுங்க தீர்வையற்ற துறைமுகமாக்க ஏற்பாடு செய்வோம்! ஆனால், இன்று வரை தி.மு.க., எந்த ஏற்பாடும் செய்யவில்லை.

* நெய்வேலி சுரங்க திட்டத்தை விரிவுபடுத்தி, அதை மாநில அரசின் உடமையாக்குவோம்! இதையும் இன்று வரை செய்யவில்லை.

* கடல் நீரை குடிநீராக்குவோம்! அந்த திட்டத்தையும் செயல்படுத்தவில்லை.

* பக்கிங்காம் கால்வாயை, வேதாரண்யம் கால்வாயுடன் இணைத்து, படகு பாதை அமைப்போம்! இதுவரை நிறைவேற்றப்படவில்லை.

* குதிரைப் பந்தயத்தை நிறுத்த வழி காணோம். குதிரை பந்தயம் ஒழித்து விட்டதாக நினைத்து குதிரை சிலை வைத்தனர். அது விக்ரமாதித்தன் குதிரை போல உயிர் பெற்று, இன்றும் ஓடிக் கொண்டிருக்கிறது, கம்பீரமாக!

* தனியார் துறையில் உள்ள பெருத்த வருவாய் தரும் தொழில்களை நியாயமான நஷ்ட ஈடு பத்திரங்கள் கொடுத்து அவற்றை அரசுடமை ஆக்குவோம்!

அதை தான் முதல்வர் ஜெ., செய்தார். கோடிக்கணக்கான ரூபாய் வருமானம் வரும் தனியார் கேபிள் "டிவி'யை அரசு ஏற்க சட்டம் கொண்டு வந்தார். அதை, "தேவையில்லை' என கூறி, அவரை அகற்ற தீர்மானம் போட்டனரே, அவரிடமே சென்று, "அதில் கையொப்பம் இட வேண்டாம்' என தி.மு.க., தடுத்து நறுத்தி விட்டதாக கூறப்படுகிறது.

* கூட்டுறவுத் துறையில் 100க்கு 25 பங்கு ஆதி திராவிட மக்களும், 25 பங்கு பின்தங்கிய வகுப்பினரும் உறுப்பினர் ஆக்கப்பட வேண்டும் என்ற நிபந்தனையை செயல்படுத்துவோம்! இதையும் அவர்கள் நிறைவேற்றவில்லை.

கடைசியில் மிக மிக முக்கியமான தீர்மானம் வருமாறு:

* தரிசு நலம் என்ற தலைப்பில் உள்ள விளை நிலமாகக் கூடியவைகளை உழவுத் தொழிலில் ஈடுபட்டுள்ள ஆதி திராவிடர்களுக்கும், நிலமற்ற மற்றையோருக்கும் நஞ்சையாக இருந்தால் மூன்று ஏக்கர், புஞ்சையாக இருந்தால் ஐந்து ஏக்கரும் பகிர்ந்தளிக்கும் திட்டம் மேற்கொள்வோம்!

அந்த காலகட்டத்தில், ஈ.வெ.ரா., காமராஜருக்கு ஆதரவு தெரிவித்துக் கொண்டிருந்தார். மேற்படி திட்டத்தை பற்றி அவர் கூறியதை அப்படியே தருகிறேன்:

"மூன்று ஏக்கர் நிலமாம்... எங்கே இருக்கு நிலம்? கடலில் தான் அளந்து கொடுக்க வேண்டும்!'

மீண்டும் நினைவுபடுத்த விரும்புகிறேன்... இதை கூறியது நான் அல்ல... "நாங்கள் தி.க.,வை விட்டு பிரிந்தாலும், எங்கள் நிரந்தர தலைவர்' என அண்ணாதுரையால் கூறப்பட்ட, ஈ.வெ.ரா., தான் உண்மையில் மிகப்பெரிய தீர்க்கதரிசி. ஏனெனில், இந்த தீர்மானம் போட்டு 45 ஆண்டுகள் ஆகியும், 15 ஆண்டுகள் கருணாநிதி முதல்வராக இருந்தும், மத்தியிலும், பல்வேறு பிரதமர்களின் கீழ் முக்கியமான அமைச்சர்களைப் பெற்று இருந்தும் கூட, இந்த தீர்மானங்களை அவர்கள் நிறைவேற்றவில்லை! இப்படி ஏற்கனவே கூறிய பல்வேறு உறுதிமொழிகளை காற்றில் பறக்கவிட்டு விட்டு, இன்று 2006ல் வந்து, "வீட்டுக்கு ஒரு கலர் "டிவி' ஏழைகளுக்கு இரண்டு ஏக்கர் இலவச நலம், இரண்டு ரூபாய்க்கு ஒரு கிலோ அ஛சி' எனக் கூறினால், மக்கள் நச்சயமாக ஏமாற மாட்டார்கள்.

நன்றி தினமலர்.