ராமதாஸின் கனவு Vs ஒரு இளைஞனின் கனவு

தினமலரில் வெளிவந்த இது உங்கள் இடம் பகுதியில் இருந்து.

டாக்டர் க.சற்குணம், சுவிட்சர்லாந்திலிருந்து அனுப்பிய இ-மெயில் கடிதம்: கட்சிகளின் தேர்தல் அறிக்கைகளின் சாராம்சத்தை பார்க்கும் போது, அ.தி.மு.க., தவிர, வேறு எந்தக் கூட்டணியிலும் தமிழகத்தின் முன்னேற்றத் திற்கான திட்டங்கள் இல்லை. மற்ற எல்லா கட்சிகளும் இலவசம், ஜாதி அல்லது மதம் இவைகளையே முன்னிறுத்துகின்றன.

நீங்களே உங்கள் மனச்சாட்சியை தொட்டு, ஒரு நிமிடம் சிந்தித்துப் பாருங்கள்... கடந்த ஐந்தாண்டுகளில் நிடந்த சில விபத்துக்களுக்கும், சில தகாத சம்பவங்களுக்கும் யார் காரணம்? நாம் தான் காரணம்... நம் பேராசை தான் காரணம்! நாம் விலங்குகள் அல்ல... இலவசமாகக் கொடுக்கின்றனர் என்பதற்காக நம் உடல் பலத்தால் நம் சகோதர, சகோதரிகளை, முதியோர்களை மிதித்து விட்டு சென்று நிவாரணங்களை வாங்க முயற்சித்தது யார் தவறு? இதே வலிமையை வைத்து உழைத்துப் பிழைக்கலாமே... கேவலம் இலவசத்திற்காக அத்தனை உயிர்களை இழந்தோமே.

நான் ஒரு இளைஞன். எனக்கு கருணாநதி கொடுக்கும் 300 ரூபாய் மாதாந்திர இலவசத் தொகை (பிச்சை) தேவையில்லை. என்னைப் போன்ற இளைஞர்களுக்கு தமிழகத்தில் வேலைவாய்ப்பை ஏற்படுத்தும் திட்டங்கள் தான் வேண்டும். இவர்கள் கொடுக்கும் பிச்சை வேண்டாம். நாங்களும் முன்னேற வேண்டும்... நாடும் முன்னேற வேண்டும்.

உங்களிடம் ஒரு நாட்டுப் பற்றுள்ள ஒரு இளைஞனாக வேண்டிக் கொள் கிறேன்: தயவுசெய்து இலவசம் வேண் டாம்... அதற்கு அடிமையாக வேண் டாம். அதனால் நாம் இழந்தது போதும்!

கலர் "டிவி'க்காகவும்; இரண்டு ஏக்கர் நலத்திற்காகவும்; 300 ரூபாய்காகவும் நாம் தி.மு.க., கூட்டணி தலைவரிடம் பிச்சை எடுக்க வேண்டுமா? அதுவும் அவரது சொந்த பணத்தில் இல்லை; நம் வரிப் பணத்தை தான் செலவிடப் போகின்றனர்.

இலவச கல்வி, இலவச சுகாதாரம் போன்றவை நாட்டிற்குத் தேவையானவை. இவை சமூக ஏற்றத்தாழ்வுகளை குறைப்பவை. ஆனால், கலர் "டிவி'யும், 300 ரூபாயும் எந்த சமூக ஏற்றத்தாழ்வுகளையும் குறைக்காது.

கடந்த 1991- 96ல் இருந்த ஜெயலலிதாவின் ஆட்சி போன்றல்ல இப்போது இருப்பது. அவர்கள் நிறையவே மாறி விட்டனர்; தவறை விட்டுத் திருந்தியுள்ளனர்.

ஆனால், தவறுகளையே வாழ்க்கையாகக் கொண்டவர்களை எவ்வாறு ஆட்சி அமைக்க அனுமதிக்க முடியும்? அதிலும் மக்களை முட்டாள்கள் என நினைப்பவர்களை... நாம் அறிவுள்ள, உணர்வுள்ள, வலிமையுள்ள தமிழர்கள் தானே! நம்மை பிச்சை எடுக்க வைக்காமல், சுய கவுரவத்துடன் வாழ வைக்கிற அரசாங்கத்தை ஆட்சியில் அமர்த்தி, இந்தியாவின் மற்றைய மாநலங்களுக்கு மட்டுமல்ல, உலகிற்கே முன்னுதாரணமாக திகழ்வோம்!

மருத்துவர் அய்யா கனவு!

கே.சபாபதி, கோவையிலிருந்து எழுதுகிறார்: ஒருவர் காரை ஊர் எல்லைக்குள் ஓட்டி வருகிறார். பின்னாடியே சைரனுடன் ஒரு போலீஸ் கார் துரத்தி அவரைக் குறுக்கிடுகிறது. "நீ அதிவேகமாக கார் ஓட்டினாய்' என்று போலீஸ்காரர் கைது செய்து, போலீஸ் ஸ்டேஷனுக்கு கொண்டு போகிறார்.

அங்கிருந்த மேலதிகாரியிடம், "மாமா இவன் காரை அதிவேகமாக ஓட்டி வந்தான்' என்று குற்றம் சாட்டுகிறார். "நான் எப்.ஐ.ஆர்., பைல் பண்ணிக்கிறேன். இவனை நம்ம ஜெயிலர் பெரியப்பாவிடம் கொண்டு போய் அடை. நாளை காலையில் மாஜிஸ்திரேட் சித்தப்பா முன் ஆஜர்படுத்து மாப்பிள்ளை' என்று அந்த அதிகாரி அனுப்பி வைக்கிறார்.

வழியில் ஒரு ஓட்டல், "இது என் மச்சினன் நடத்துற ஓட்டல். நல்லா இருக்கும். வா சாப்பிடலாம். நீ தான் துட்டு குடுக்கணும்' என்று போலீஸ்காரர் அங்கு அழைத்துப் போகிறார். சாப்பிட்டு எழுந்ததும்,

"பயப்படாதே. பிராசிகியூட்டர் என் ஒண்ணுவிட்ட சித்தப்பா தான். நான் சொன்னா கேட்பார். இல்லாட்டி போனாலும், என் அத்தை மகன் தான் பிரபல வக்கீல். அவரை ஏற்பாடு செய்கிறேன்' என்பார்.

காரோட்டி தன்னிடமிருந்து பணம், காசு, நிகை, நிட்டு அத்தனையையும் அந்த போலீஸ்கார஛டம் கொடுத்துவிட்டு, தப்பித்தேன்... பிழைத்தேன் என்று காரை மெதுவாக, மிக மெதுவாக ஓட்டியபடி ஊர் எல்லையைப் கடப்பார்.

இது ஒரு ஆல்பிரட் ஹிட்ச்காக் கதை. ஒரு அமெரிக்க கிராமத்தில் நிடக்கும் அநியாயங்களை விளக்கும் கதை. அதாவது, அந்த ஊ஛ல் ஒரே இனத்தைச் சேர்ந்த எல்லா உறவினர்களுமே எல்லா பதவிகளையும் வகித்தால் எப்படி இருக்கும் என்று விவரிக்கிற கதை இது.

கிட்டத்தட்ட இது தான் மருத்துவர் ராமதாசின் கனவு. விழுப்புரம் மாவட்டத்தில் எல்லா பதவிகளிலும், அவருடைய ஜாதிக்காரர்களே இருந்தால், அது தான் சமூக நீதி என்று அவர் கருதுகிறார் போலும். ஆனால், மாட்டிக் கொண்டு கப்பம் கட்டுகிறவன் மட்டும் வேறு ஜாதியாக இருக்க வேண்டுமாம்! இதெல்லாம் நிடக்கிற கதையா!

இந்தியாவில் மொத்தம் நான்காயிரம் ஜாதிகள் இருப்பதாக ஆராய்ச்சி செய்யப்பட்டிருக்கிறது. ஒவ்வொரு ஜாதிக்காரனும், இப்படி நினைக்க ஆரம்பித்தால் நாடு என்ன ஆவது? இப்படியெல்லாம் கனவு காண்பதை மருத்துவர் நிறுத்தினால் நில்லது.