வைகோ -வின் மிகப்பெரிய தவறு! (புதுப்பிக்கப்பட்டது)

வைகோ கூட்டணி மாறியது பற்றி, பல ஊடகங்கள் பலவாறு விமர்சித்துக்கொண்டிருக்கின்றன. சிலர் அவரை துரோகி என்றும், சிலர்
அவர் பணத்துக்காக ஜெயலலிதாவிடம் சரணடைந்து விட்டார் என்றும் மேலும் சிலர் தன் கட்சியின் இரண்டாம் கட்டதலைவர்களின் வற்புறுத்தலின் பேரில்தான் இத்தகைய முடிவு எடுத்துவிட்டார் என்றும் பலவாறு பேசிக்கொண்டிருக்கின்றார்கள்.

திமுக-வினர் இன்று வைகோவை துரோகி என்றும், "பெட்டி வாங்கிகொண்டு உன்னை சிறையில் தள்ளிய ஜெயலலிதாவை ஆதரிக்கிறாயே!, நாயே!" என்றும் ஏசுகின்றார்கள். ஒன்றை நடுநிலையாளர்கள் புரிந்துகொள்ளவேண்டும். இதே கலைஞர் தான் வைகோ என்னைக் "கொலை செய்ய முயன்றார்" என்று பழி சுமத்தி , கட்சியை விட்டே நீக்கி ஆயுள் தண்டனை கொடுத்தவர். அதன் பிறகு 5
பேரின் உயிர்தியாகத்தின் மேல்தான் மதிமுக பிறந்தது. ஆனால் அத்தகைய தியாகத்தை மறந்து மீண்டும் திமுக-வுடன் கூட்டனி வைத்ததுதான் "வைகோ செய்த மிகப்பெரிய தவறாகும்".

சிலர் சொல்லுகிறார்கள் வைகோவை சிறையில் இருந்து வெளியே கொண்டுவர கலைஞரும் திமுக-வினரும் தான் உதவினர் என்று. ஆனால் அது எதற்காக என்று நடுநிலையாளர்கள் சிந்திக்கவேண்டும். அப்போது மத்திய அரசுக்கான தேர்தல் நெருங்கிக்கொண்டிருந்தது. மாநிலத்தில் ஆட்சியில் இல்லாத திமுக-விற்கு ஜெயலலிதாவை எதிர்த்து அரசியல் நடத்தவும், தன்
சொத்துகளையும் , குடும்ப தொழில்களையும் காப்பாற்ற மத்திய அரசில் முக்கியப்ப்ங்கு வகிப்பது மிக அவசியமாகிவிட்டது. அப்போது பெரிய தவறு எதுவும் செய்யாமல் ஜெயலலிதாவால் சிறையில் அடைக்கப்பட்டதால் வைகோ மீதான அனுதாப அலையை கருணாநிதி பயன்படுத்திக்கொள்ளத்தான் வைகோ-வின் மீது மிகுந்த அக்கரையுள்ளது போல நடித்தார் கருணாநிதி. அந்த தேர்தலில் திமுக தன்னுடைய சொந்த செல்வாக்காலோ, அல்லது மக்களுக்கு அவர்கள் மேல் உள்ள நம்பிக்கையினாலோ வெற்றிபெறவில்லை. வைகோ-வின் மேல் இருந்த அனுதாப அலையும், அவரின் தமிழகம் முழுவதுமான தேர்தல் பிரச்சாரமும், அப்போது ஜெயலலிதா எடுத்த சில அதிரடி நடவெடிக்கைகள் மக்களுக்கு பிடிக்காமல் போனதாலும் மேலும் மிகப்பெரிய மெகா கூட்டணியினால் மட்டுமே அவர்களால் வெற்றிபெற முடிந்த்து. வெற்றிபெற்றவுடன் அதற்காக பாடுபட்டவர்களை மறந்துவிடுவது கருணாநிதியுன் குடும்பவழக்கம்.

இன்று வைகோ-வை "நாயே!" என்று விளிக்கும் தயாநிதி மாறனுக்காவும் தான் அன்று வைகோ பிரச்சாரம் செய்தார். வெற்றிபெற்ற பிறகு மத்தியில் தங்களுக்கு வருமானம் ஈட்டித்தறும் அமைசசர் பதிவிகளை அதுவும் தன் பேரனுக்கு வாங்கி கொடுப்பதில் கருணாநிதி காட்டிய அதே மும்முரத்தைதான் வெற்றிக்காக பாடுபட்ட வைகோ-வை கூட்டணியில் இருந்து புறக்கணிக்கவும் காட்டினார்.

வைகோ-வையும் மதிமுக-வையும் அழிக்க திமுக (முக்கியமாக ஸ்டாலின்) மேற்கொண்ட நடவடிக்கைகள் தான் வைகோவையும் அவரது ஆதரவாளர்களையும் கூட்டணி மாறத்தூண்டின என்றால மிகையாகாது. ஜெயலலிதா எதிரி என்றால் கருணாநிதி இங்கு துரோகியாகிட்டார். துரோகிக்கு எதிரி எவ்வளவோ மேல் என்றுதான் வைகோ ஜெ வுடன் கூட்டனி சேர்ந்தது. வைகோ-வால் தனியாக தேர்தலை சந்தித்திருக்க முடியும், ஆனால் அப்படி சந்திப்பதால் லாப நஷ்டங்களைப்பார்த்தால், மதிமுக இப்போது இருக்கும்
சூழ்நிலையில் ஆட்சியை பிடிக்கும் அளவுக்கு வரமுடியாது. வேண்டுமானால் அதிமுக அல்லது திமுக-வின் ஓட்டுகளை வேண்டுமானால் பிரிக்கலாம், ஆனால் அப்படிப்பிரிப்பதானல் என்ன லாபம். ஒருவேளை அதிமுக வெற்றி பெற்றால் அதனால் பெரிய அளவில் மதிமுக-விற்கு பாதகம் இருக்காது( வேண்டுமானால் ஜெ சிறையில் தள்ளுவார், அதனால் மதிமுக பலம் பெறுமே தவிர அழிந்து விடாது) ஆனால் துரோகி திமுக வென்றால் மதிமுக-வின் நிலைமை மிகவும் மோசமாகிவிடும். அதனால்தான் திமுக-வை தோற்கடிக்க
ஜெ-வுடன் கைகோர்க்க வேண்டிய நிலைக்கு வைகோ தள்ளப்பட்டார். கூட்டனி தர்மத்திற்காக அதிமுக-வை புகழ்ந்து கொண்டிருக்கிறார். மற்றபடி தொகுதிப்பங்கீட்டுப் பிரச்சனை என்பதெல்லாம் வெறும் நாடகம்தான். இந்த தேர்தலில் திமுக வெற்றிபெற்றால் அதன்பிறகு ஸ்டாலின் தலைமையில் திமுக -வும் ஜெ தலைமயில் அதிமுக-வுமே தமிழகத்தில் முக்கிய கட்சிகளாக
இருக்கும் . ஏனென்றால் ஆட்சியில் இருக்கும் கட்சியில் பிளவு ஏற்படுவதற்கான வாய்ப்புகள் மிக குறைவு. ஆனால் இந்த தேர்தலில் திமுக தோற்கும் பட்சத்தில் , அதன் தலைவர் கருணாநிதி காலத்திற்கு பிறகு கட்சியில் பல பிளவுகள் ஏற்பட நிறையவே வாய்ப்பு உள்ளது(அதுவும் ஆட்சியில் இல்லாதபோது மிக அதிகமாகவே உள்ளது). இப்போதே பலர் மனதுக்குள் கொதித்துக்கொண்டுதான்
உள்ளார்கள், பலர் கருணாநிதிக்காக மெளனம் காத்துக்கொண்டிருக்கின்றனர். என்வே அதிமுக-வின் வெற்றியை விட திமுக-வின் தோல்விதான் வைகோ-விற்கும் மதிமுக-விற்கும் இப்போது ஒரே நோக்கமாக உள்ளது.

கருணாநிதி தன்னுடையகாலத்தில் தனக்கு நெருக்கமாக திறமையான நல்ல பேச்சாற்றலும் விசுவாசமும் கொண்ட சில தலைவர்களை (அன்பழகன், துறைமுருகன், ஆற்காடு வீராச்சாமி, கோ.சி மணி, மறைந்த நாஞ்சில் மனோகரன் மற்றும் பிடிஆர்) வைத்திருந்தார். ஆனால் பல வருடங்களாக கட்சியில் இருக்கும் அதுவும் தலைவருக்கு மிக அருகாமையில் இருக்கும், அடுத்த தலைவர் என்று எதிர்பார்க்கப்படும் ஸடாலின் அப்படி ஒரு வட்டத்தை தன்னைச்சுற்றி உருவாக்கிக்கொள்ளவில்லை. இப்போது அவரைச்சுற்றி
இருப்பவர்கள் எல்லாம் அவரது அடிவருடிகளாகவும், காக்கைகளாகவும், ஜால்ராக்களாகவும் தான் இருக்கின்றனர். இது வரை தன்னை ஒரு தலைமை பண்புகளுடன் கூடிய ஆற்றல் மிக்க ஒருவனாக மாற்ற முயலவில்லை அதோடு மட்டமல்லாமல் திமுக-விலும் அப்படி யாரையும் அடுத்த தலைமுறையில் உருவாக்கவிடவும் இல்லை. அதற்கு அவரின் இயலாமையும், சுயநலமுமே காரணமாக இருக்கிறது. இதனால் கலைஞர் காலத்திற்கு பிறகு திமுக-வில் உள்ள திராவிட கொள்கையில் நம்பிக்கையுள்ளவர்கள் நிச்சயாமாக வைகோ-வின் பின்னால் அணிவகுப்பார்கள். அப்போது அதிமுக மற்றும் மதிமுக ஆகிய இரண்டு கட்சிகள் தான் தமிழகத்தில் முக்கிய கட்சிகளாக
திகழும் என்று எதிர்பார்க்கிறேன்.