என்ன செய்தார் கருணாநிதி?!

கலைஞர் அதைச்செய்தார், இதைச்செய்தார் என உழவர் சந்தைத்திட்டத்தையும், இலவச மின்சாரத்திட்டம், சமத்துவபுரத்திட்டத்தையும் ஒரு வாசகர் இங்கே கூறியிருந்தார்.

உண்மையிலேயே உழவர் சந்தைத் திட்டத்தால் பயனடைந்தது திமுக-வினர்தான். "காசு கொடுத்தால் கடை இல்லாவிட்டல் தடை" என்ற வகையில்தான் அவர்களின் இந்த திட்டம் அமைந்திருந்தது. அவர்களுக்கு உண்மையிலேயே உழவர்கள் மேல் அக்கரை இருந்திருந்தால் அவர்களின் உழைப்பால் விளைந்தவற்றை அரசே நியாய விலை கொடுத்து வாங்கி மக்களுக்கு வினியோகம் செய்திருக்கவேண்டும். அதைவிட்டு அவர்களை இங்கும் அங்கும் அலையவிட்டிருக்கக்கூடாது. அதோடுமட்டுமல்லாமல் விவசாயத்திற்கும், விளைச்சலுக்கும் வழிகாட்டிவிட்டு இந்த திட்டத்தை அறிமுகப்படுத்தி இருக்கவேண்டும். விவசாயமே இல்லை, சந்தை மட்டும் இருந்து என்ன பன்ன.

அடுத்தது இலவச மின்சாரத்திட்டம்.

இதனால் யார் பயனடைந்தார்கள் என்றால், பல பண்ணையார்களும், நிலசுவான்தார்களும் தான். ஏழை விவசாயிக்கு பம்ப்பு-செட்டு வைக்க எங்கையா காசு இருக்கு?. அதை வைச்சிருக்கவங்கக்கிட்ட மணிக்கு இவ்வளவுன்னு காசு கொடுத்து தண்ணி பாய்ச்சும் நிலையில்தான் அவன் இருக்கான்.


அடுத்தது சமத்துவபுறத்திட்டம்

சமத்துவபுரம் என்பது திமுக காரன் கமிஷன் வாங்கிக்கொண்டு, இந்த சாதிக்காரனுக்கு நாலு வீடு, அந்த சாதிக்காரனுக்கு நாலு வீடுன்னு பிரிச்சு வைச்சு வீடு குடுப்பதில்லை. ஏற்கனவே உயர்ந்த சாதிக்காரர்கள் என்று சொல்லிக்கொள்பவர்கள் வசிக்கும் பகுதியில் ஒரு தாழத்தப்பட்டவன்
குடியேறினால், மற்றசாதிக்காரர்களின் மனதில் ஒரு சின்ன உறுத்தல் கூட இல்லாமல் இருந்தால் அதுதானையா சமத்துவம். அதைவிட்டு நாங்கள் தாழ்த்தப்பட்டமக்களை கோவிலுக்குள் அனுமதித்தோம், சமபந்தி விருந்து நடத்தினோம், அந்த சலுகை செய்தோம், இந்த சலுகை செய்தோம் என்பதேல்லாம் "எங்கப்பன் குதிருக்குள்ள இல்ல" என்பது போல இவர்கள் இந்த சாதிக்காரர்கள், அவர்கள் அந்த சாதிக்காரர்கள் என்று அடையாளம் காட்டுவதாகும்.

உரிமைகளை நீங்கள் கொடுத்து அவர்கள் வாங்கக்கூடாது, அவர்கள் தானாக எடுத்துக்கொள்ளும் போது உங்கள் மனதில் ஒரு சின்ன உறுத்தல் கூட இல்லாமல் இருந்தால் அதுதானைய்யா நீங்கள் காட்டும் சமத்துவம்.

தயவு செய்து அந்த கட்சிகாரர்கள் செய்தார்களா? இந்த கட்சிக்காரர்கள் செய்தார்களா? என்று கேட்கவேண்டும். இங்கே நான் சமத்துவம் பற்றி குறிப்பிட்டது அனைத்து கட்சிக்காரர்களுக்கும்தான்.


என்னுடைய அடுத்த பதிப்பில் சம்த்துவம் பற்றி விரிவாக எழுதுகிறேன். அது கட்சிகளோ, அல்லது வேறு எந்த அரசியல் காரணிகளோ சம்பந்தப்படாததாக இருக்கும்.