போலிகளும் , பறிபோகும் நம்பகத்தன்மையும்!..

என் பெயரில் ஆயிரம் பேர் எழுதினாலும், அதனால் நான் என்னுடைய அடையாளத்தை இழந்திவிடப்போவதில்லை. ஆனால் என் பெயரில் உள்ள போலி அவர்கள், நான் ஏற்கனவே பயன்படுத்திய என்னுடைய புகைப்படத்தை தன் பதிவில் வெளியிட்டு, மிகவும் தரக்குறைவான வகையில் பதிவுகளை எழுதியுள்ளார்.

இதுபோன்ற நிகழ்வுகள், தமிழ் மணத்தில் மீதுள்ள வலைப்பதிவாளர்களின் நம்பிக்கையை இழக்கச்செய்யும். நாளை யாரும் தங்களைப் பற்றிய தகவல்களை வெளியிட விரும்பமாட்டர். இன்று எனக்கு நிகழ்ந்தது நாளை யாருக்கு வேண்டுமானாலும் நிகழலாம். இது போன்ற நிகழ்வு ஏற்கனவே நடந்துள்ளதை எனக்கு அறிவுறுத்தி என் நண்பர் ஒருவர் தான் என்னுடைய புகைப்படத்தை நீக்கச்சொன்னார். நான் சில நாட்களுக்கு முன் தான் என்னுடைய புகைப்படத்தை என்னுடைய blog-ல் இருந்து நீக்கினேன்.

ஒவ்வொருத்தருக்கும் தனிப்பட்ட கருத்துகள் இருக்கும். அவற்றை பரிமாரிக்கொள்வதற்கும், விவாதிப்பதற்கு மட்டுமே இது போன்ற வலைத்தளங்கள் உதவுகின்றன. ஆனால் இது போன்ற விரும்பத்தகாத செயல்கள் தொடருமானால். யாரும் தங்களின் கருத்தை சுதந்திரமாக வெளியிடும் நிலை இல்லாமல் போக வாய்ப்புள்ளது.